«shavkat mirziyoyev» tegli maqolalar
5 yilda prezident Xalq qabulxonalariga 5,7 mlndan ortiq murojaat kelib tushdi
2017−2021 yillar davomida prezident virtual qabulxonasi va Xalq qabulxonalariga 5 mln 780 mingdan ziyod murojaatlar kelib tushgan. Shundan 3 mln 288 mingdan ortig‘i qanoatlantirilgan.
31 yanvar kuni O‘zbekistonda sodir bo‘lgan eng muhim xabarlar dayjesti
Pekin qishgi Olimpiadasi ochilishida qatnashadigan Shavkat Mirziyoyev, UZIMEI`ni «byurokratik va noqulay», deb atagan Jahon banki eksperti, 100 maqsadni jamlagan Taraqqiyot strategiyasi, 2021 yilda import qilingan $588 mlnlik «inomarka» lar, shovqinga qarshi kurashni tartibga solishni taklif qilgan Adliya vazirligi, yangi tayinlangan hokimlar va boshqalar — «Gazeta.uz» ning 31 yanvardagi eng muhim xabarlari dayjestida.
O‘zbekistonda yagona energohalqa yaratiladi
Keng miqyosda yuz bergan elektr ta’minotidagi uzilishlarning sabablaridan biri O‘zbekiston energetika tizimi 220−500 kVt kuchlanishli magistral liniyalarga to‘liq ulanmagani bo‘ldi, deya ta’kidlandi prezident qatnashgan yig‘ilishda. Shavkat Mirziyoyev energiya ishlab chiqarish quvvatlarini oshirish va elektr ta’minotini avtomatlashtirish loyihasini tayyorlashga ko‘rsatma berdi.
Mahallalar markazlari DXSH asosida rivojlantiriladi
Prezident mahalla va maktablarda sport maskanlari hamda kutubxonalar barpo etish bo‘yicha 3 xil tipdagi loyihani rad etdi. Shavkat Mirziyoyev mahalla markazlarini davlat-xususiy sheriklik asosida tashkil etish vazifasini qo‘ydi — tadbirkorlarga imtiyoz beriladi va buning evaziga ijtimoiy mas’uliyat yuklanadi.
Shavkat Mirziyoyev birinchi prezident Islom Karimov haykali poyiga gulchambar qo‘ydi — foto
Shavkat Mirziyoyev 30-yanvar kuni Islom Karimov haykali poyiga gulchambar qo‘ydi. Shuningdek, marosimda Oliy Majlis palatalari, prezident Administratsiyasi va hukumat vakillari, ilm-fan va madaniyat namoyandalari, ziyolilar, shahar jamoatchiligi ishtirok etdi.
«Eng katta qo‘rqqanim Sirdaryo IES yonib ketmasin dedim». Shavkat Mirziyoyev — energotizimdagi muammo haqida
Prezident seshanba kuni kuzatilgan energotizimdagi nosozlik haqida fikr bildirar ekan, aynan nimadan ko‘proq qo‘rqqanini ma’lum qildi. «Eng katta qo‘rqqanim Sirdaryo IES yonib ketmasin dedim. 1982 yo 1983 yil Sirdaryoda oltita stansiya ham yonib ketgan», — dedi Shavkat Mirziyoyev. Qolaversa, u tizimdagi rahbarlarga har daqiqada aholini vaziyatdan xabardor qilish bo‘yicha topshiriq berganini ta’kidladi.
Prezident Sergelidagi 300-maktab direktori Nigora Saidxodjayevani mukofotladi
Prezident Toshkentning Sergeli tumanidagi 300-maktab direktori Nigora Saidxodjayevani «O‘zbekiston Respublikasi xalq o‘qituvchisi» faxriy unvoni bilan taqdirladi.
Kelgusi 5 yilga mo‘ljallangan Taraqqiyot strategiyasi tasdiqlandi
Prezident farmoni bilan 2022−2026 yillarga mo‘ljallangan Yangi O‘zbekistonning taraqqiyot strategiyasi tasdiqlandi. Unga ko‘ra, 2026 yilgacha ehtiyojmand aholi ijtimoiy nafaqa va moddiy yordam bilan to‘liq qamrab olinadi. Qolaversa, 2023 yildan QQS 12 foizgacha tushiriladi.
Koronavirusdan emas, YTHlardan juda ko‘p odamlar o‘lib ketayapti — prezident
Shavkat Mirziyoyev koronavirusga qaraganda yo‘llardagi avariyalar oqibati odamlar ko‘proq vafot etayotganini ta’kidladi. «Nimaga kuyib-pishmaymiz? Nimaga o‘lim ko‘payyapti?», — deb so‘radi u. Prezident haydovchilarni o‘qitish tizimini tubdan takomillashtirish bo‘yicha topshiriq berdi. «Darsga bormasdan guvohnomani olyapti. Nima, O‘zbekistonda qonun yo‘qmi?», — dedi u.
«Xalqimiz vaziyatni to‘g‘ri qabul qilib, sarosimaga tushmadi». Shavkat Mirziyoyev — energotizimdagi nosozliklar haqida
Prezident seshanba kuni energotizimda yuzaga kelgan nosozliklarga munosabat bildirib, uzoq hududlardagi texnogen ofatlar O‘zbekistonga ham o‘z ta’sirini o‘tkazmay qolmasligini ta’kidladi. «Xalqimiz vaziyatni to‘g‘ri qabul qilib, sarosimaga tushmadi. Avvalo sabr-toqatli xalqimizga, shuningdek, barcha soha va idoralar xodimlari, OAV va ijtimoiy tarmoq vakillariga o‘z minnatdorchiligimni bildiraman», — dedi Shavkat Mirziyoyev.
O‘zbekistonning 16 ta hududida charm-poyabzalga ixtisoslashgan sanoat zonalari tashkil etiladi
Prezident O‘zbekistonning 16 ta tuman va shahrida charm-poyabzal ishlab chiqarishga ixtisoslashgan kichik sanoat zonalari tashkil etilishini ma’lum qildi. Shuningdek, tadbirkorlarga uskunalar xarid qilish uchun 3 yillik imtiyozli davr bilan 7 yilga kreditlar ajratiladi, qolaversa, avval berilgan soliq va bojxona imtiyozlari muddati 2026 yilgacha uzaytiriladi.
Shavkat Mirziyoyev «Markaziy Osiyo davlatlari — Xitoy» onlayn sammitida qatnashadi
25 yanvar kuni «Markaziy Osiyo davlatlari — Xitoy» onlayn sammiti bo‘lib o‘tadi, unda O‘zbekiston prezidenti Shavkat Mirziyoyev ham ishtirok etadi.
«Nimaga bu pullar davlatga emas, kimlarningdir cho‘ntagiga tushmoqda?» Prezident — yer sotish holatlari haqida
Shavkat Mirziyoyev yerlarni auksionda sotish yo‘li bilan 400 mlrd so‘mlik tushumni ta’minlash rejasi mutlaqo qoniqarsiz ekanligini tanqid qildi. Prezident Toshkent viloyatida 14 gektar yer 3,5 mln dollarga sotilganini ma’lum qildi. «Nimaga bu pullar davlatga emas, kimlarningdir cho‘ntagiga tushmoqda?» — dedi u.
Sirdaryo va Xorazm viloyatlari hokimlariga hayfsan berildi
Prezident raisligida o‘tayotgan videoselektorda Sirdaryo viloyati hokimi G‘ofurjon Mirzayev va Xorazm viloyati hokimi Farhod Ermanovga xususiylashtirish ishlarini sust tashkil etgani uchun hayfsan berildi. Qolaversa, Davlat aktivlarini boshqarish agentligining Sirdaryo, Xorazm va Buxoro viloyatlari boshqarma boshliqlari ishdan olindi.
O‘zbekiston va Qozog‘iston prezidentlari telefon orqali muloqot qildi
Shavkat Mirziyoyev va Qasim-Jomart Toqayev telefon orqali muloqot chog‘ida amaliy hamkorlikni kengaytirish qolaversa, mintaqaviy xavfsizlikni ta’minlash masalalari yuzasidan ham fikr almashdi.
Prezident Toshkent jamoat transportidan foydalanish darajasini ikki barobarga oshirish bo‘yicha ko‘rsatma berdi
Toshkent jamoat transportidan foydalanish darajasi bor-yo‘g‘i — 21 foizni tashkil qiladi, tizimda qariyb 400 ta avtobus yetishmaydi. Yo‘llar piyoda va velosipedda yurish uchun qulay emas, buning oqibatida YTHlar ko‘p sodir bo‘lmoqda, deya ta’kidlandi prezident ishtirokidagi taqdimotda. Shavkat Mirziyoyev yangi avtobus hamda elektrobuslar xarid qilish va umuman, jamoat transportidan foydalanish darajasini hozirgidan 2 barobar oshirish bo‘yicha ko‘rsatma berdi.
Ixtisoslashtirilgan maktablar Prezident ta’lim muassasalari agentligiga o‘tkaziladi
Shavkat Mirziyoyev umumiy va ixtisoslashtirilgan maktablarda fanlar va chet tillarini o‘qitish sifatini oshirish bo‘yicha ko‘rsatmalar berdi. Shuningdek, ixtisoslashtirilgan 790 ta maktab bosqichma-bosqich Prezident ta’lim muassasalari agentligi tasarrufiga o‘tkazilishi ma’lum qilindi.
Shavkat Mirziyoyev mehnat ta’tilidan Qozog‘istondagi voqealar sabab 2 kunda qaytgan
O‘zbekiston prezidenti 5 yanvar kuni qisqa muddatli mehnat ta’tiliga chiqib, 7 yanvar kuni odatdagi tartibda ishlashga kirishgan edi. Davlat rahbarining matbuot kotibi Sherzod Asadov aynan Qozog‘istondagi tartibsizliklar tufayli Shavkat Mirziyoyev mehnat ta’tilidan 2 kunda qaytgani ma’lum qildi.
«Hokim yordamchilari har qanday byurokratiyadan xoli bo‘lishi lozim» — Shavkat Mirziyoyev
Prezident hokim yordamchilarini hech qaysi hokim yoki rahbar majlislarga chaqirmasligi, turli hisobotlar bilan «ko‘mib tashlamasligi», hokimlar ular uchun faqat sharoit yaratib berishi kerakligini ta’kidladi. «Hokim yordamchilari har qanday byurokratiyadan xoli bo‘lishi lozim», — dedi Shavkat Mirziyoyev.
2022 yilda mahallalarda kambag‘allikni qisqartirish uchun jami 12,5 trln so‘mlik kredit va subsidiyalar ajratiladi
Prezident videoselektor yig‘ilishida mahallalardagi hokim yordamchilari odamlarni tadbirkorlik va dehqonchilikka o‘rgatish orqali ularni kambag‘allikdan chiqarishi lozimligini ta’kidladi. Ushbu maqsadlarga esa shu yilning o‘zida 10 trln so‘m imtiyozli kredit va 2,5 trln so‘m subsidiya ajratiladi, har bir mahallaga o‘rtacha 1,3 mlrd so‘mdan to‘g‘ri keladi.
Eng ko‘p o‘qilgan xabarlar | So‘nggi yangiliklar
- Jurnalist Ruxsora G‘ofurova ishi sudga oshirildi (1)
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- O‘zbekiston xalq artisti Nafisa To‘xtayeva vafot etdi
- Nima uchun banklar nomingizdagi kartalar haqida SMS jo‘natmoqda?
- O‘zbekistonda haydovchilar uchun jarima ballari to‘g‘risidagi qonun imzolandi. Asosiy ma’lumotlar
Qo‘shimcha imkoniyatlardan foydalanish uchun saytda ro‘yxatdan o‘ting